Shillong, Nailar, 04: Ka Ministry of Development of North Eastern Region jong ka sorkar pdeng ka la ai jingïarap pisa kaba kot 1.93 klur tyngka sha ki 6 tylli ki Sein Raij kiba kynthup ïa ka Sein Raij Mukhla, Ïalong, Tuber, Muthlong, Sohkymphor bad Kongwasan Chyrmang.
Ïa kane la pyntip da u convenor jong ka Behdienkhlam Joint Committee, u Bah Phrangki Pale ha ka 2 tarik mynta u bnai bad lyngba kane ka pisa, u la pyntip ba ki 5 tylli ki Raij ki la shna ïa ki VIP Gallery, ka Muthlong ka la jied ban shna ïa ka Cultural Hall, ka Ïalong ka la shna ïa ka surok dew bilat kaba jrong 100 mitar, katba ha Chyrmang ka la shna ïa ka kynroh ban ïada ïa ka Cultural Hall.
Nalor kata ula pyntip ruh ba ïa kine ki jingshna yn sa plie da u Myntri Khynnah ka DoNER, u Dr. Sukanta Majumdar ha ka Behdienkhlam jong ka Raid Mukhla ka ban sa long ha ka 31 tarik Nailar, 2025.
