Shillong, Nailur, 11: Ki Pulit ka Ri-Bhoi District kiba la pynlong ïa ka jingtalasi kali ha surokbah National Highway ha ka Mawdiangum ki la lap ba bun bah ki kali naduh ki thuk thuk ar shaka, lai shaka haduh ki kali saw shaka kiba la pynkheiñ ïa ka jingmana bad ïa ki kyndon aiñ da kaba pyndait ïa ki iit iong bad ki LED Light bad nalor kata la lap ruh ba ki don ki nongñiah kali ki bym don ïa ki kot ki sla kiba baing kum ka Driving License bad ki kot ki sla kali.
Ha ka jingtalasi, ki Pulit ki la ïoh lum jin shi lak tyngka na ki nongñiah kali kiba pynkheiñ aiñ.
U Additional Superintendent of Police ka Ri-Bhoi District u Bah Orville Massar ha ka jingïakren bad ki lad pathai khubor u la ong ba kane ka jingtalasi ka long katkum ka jingbthah jong u Superintendent of Police ka District.
