Shillong, Nohprah, 04: Ka Kashari jong ka Kong B. Khriam, Special Judge (POCSO), East Jaiñtia Hills District, Khliehriat ka la rai pynrem ïa u Batista Pasleiñ da kaba hukum ban set phatok 15 snem kum ka jingpynshitom hapoh ka Section 4(1) jong ka POCSO Act bad daiñ kuna T. 50,000 hajar halor ka jingdonkti ban leh be-ijot ïa iwei i heprit kynthei.
U kyrwoh ba la phah da u Superintendent of Police, East Jaiñtia Hills District ha ka sngi Palei u la pyntip ba ka Officer In-Charge jong ka Khliehriat Women Police Station ka la ioh pdiang ïa ka ejahar bad ïa ka case la registerha Khliehriat Women Police Station ha ka Case Number: 52(12)2020 hapoh ka Section 376(1) IPC pule lang bad ka Sec 3/4 POCSO Act. Ïa ka jingtohkit la bynshet ha ka Women Police Sub Inspector Kong 0. Tyngkan.
Hadien ba ladep pynlong ïa ka jingtohkit kaba bniah bad la pynngat kyndon ha ka 14.04.2024 hapoh ka Section 3(a)/4 POCSO Act pyshah ïa u nongshah kynnoh u Batista Pasleiñ.
