Shillong, Nailar 23: Ki Pulit ka South West Garo Hills kiba la ïoh jingtip na ki tnat syntiat ki la khangkdong ïa ki nongkhaïi beaiñ kiba kit ïa ki dawai kuli Yaba ha ka janmiet ka sngi Thohdieng ha ka surok lai dong ka shnong Kalaichar.
Ha kane ka jingkhynra, ar ngut ki briew ki la shah kem ki dei kiba tip kyrteng kum u Dil Islam, 40 snem ka rta bad u Faruk Sk, 50 snem ka rta, katba ki dang shong da ka thuk thuk kaba don u nombar ML08 D 5693.
Na kine ki arngut ki Pulit ki la ïoh kurup 1910 tylli ki dawai kuli ryngkat ka pisa T. 34,500.
K Pulit ki dang pynlong ïa ka jingtohkit ban lap ïa ki jaka ba la wanrah ïa ki dawai kuli Yaba bad ïa kiba donkti ban khaii ïa une u jingdih pynbuaid.
