Shillong, Jymmang, 26: Ha ka sien kaba nyngkong eh ka Wrestling Association of Meghalaya ha ka 24 tarik mynta u bnai ka la pynlong ïa ka jingïakob lympat kaba la tip kum ka 1st Meghalaya State Wrestling Championship ha madan ïalehkai basketball jong ka St. Anthony’s Higher Secondary School, Shillong ha ka kyrdan Junior bad Sub-division.
Ha kane ka lympung ïalympat ba la ïashim bynta da ki 147 ngut ki nongïalehkai shynrang bad kynthei na ki 9 tylli ki district ïa kaba la ai jingkyrshan da ka Directorate of Sports and Youth Affairs bad ka Meghalaya State Olympic Association, ka kynhun ïalehkai jong ka East Khasi Hills District ka la ïohrah ïa ka nam lahduh ne Overall Champion, katba ka West Garo Hills District ka la ïohrah ïa ka kyrdan kaba ar bad ka Eastern West Khasi Hills District ka la ïohrah ïa ka kyrdan kaba lai.
