Shillong, Risaw, 03: U Bah Kostarwell Mawlong u la mudui da ka ejahar sha ki Pulit ban pyntip ba ha ka 29 tarik, Nailur, ha ka por kumba 4.30 janmiet, ki runar ki bym lah ban ithuh durkhmat ki la prong jubor hapoh ka iingsah jong u ha ka shnong Dewsaw, Eastern West Khasi Hills District ha kaba ki la ïoh khung ei ïa ka pisa kaba kot T. 2 lak.
U Tistar R Marak u la mudui da ka ejahar sha ki Pulit ban pyntip ba ha ka miet 28 tarik, Nailur, ki runar ki bym la ban ithuh durkhmat ki la rong tuh ïa uwei u Projector na ophis Songsak C&RD Block, East Garo Hills District.
Ki Pulit ki la ïoh pdiang ïa ka jingpyntip ha ka step 2 tarik mynta bnai ba ki shipai BSF jong ka 50th Battalion kiba ap pahara ha BOP Ka laichar, South West Garo Hills ki la ïoh kurup ïa ki suba jingdih pynbuaid (Ganja) na khappud ha Boldamgre, South West Garo Hills.
