Shillong, Jymmang, 02: U Myntri ka Sorkar Jylla uba khmih ïa ka tnat Jngohkai Pyrthei Bah Paul Lyngdoh ha ka sngi Thohdieng u la ong ba ka Meghalaya ka dei ban poi sha ka thong kaba kynjoh ïa ka jingwan 20 lak ngut ki nongjngohkai pyrthei tang ha une u snem.
Ha ka jingïakren bad ki lad pathai khubor, u Bah Paul u la ong ba ka tnat kan sa pyllait paidbah ïa ka Tourism Calendar hapoh ar taiew ban sa wan.
“Kyrmen, da ka jingpyrkhat sani bha bad hynnin ka sngi ki dkhot jong ka Parliamentary Committee ka dang wan jngoh ïa ka jylla Meghalaya bad ki la sah haduh 3 sngi. Ngi la ïohi ruh ba ki wat ki khlur ba pawnam kum u Sachin Tendulkar ruh ki wan jngoh ïa ka Meghalaya bad da ka jingwan jong kine ki khlur ba pawnam ka la ïarap haduh katta katta ïa ka jylla Meghalaya ban kyntiew ïa ki kam jngohkai pyrthei. Namarkata, ngi la buh thong ba ka jingwan poi jong ki nongjngohkai nabar kan kynjoh haduh 20 lak ngut tang haduh u snem,” u la bynrap.
“Ngi la ai jingpynbna paidbah bad ngin sa lah ban buh haduh 50 ngut ki nongïalam lynti ïa ki nongjngohkai pyrthei ba ladep ai jinghikai pyntbit ïa kaba ngin sdang shwa na nongbah Shillong. Ki jaka kin kynhup ïa ka Ward’s Lake, Golflink bad Khyndai Lad,” u la ong.
