Shillong, K’lyngkot, 06: Ka Ophis jong u Chief Electoral Officer (CEO) ka Jylla ka la pynmih paidbah ïa ka Final Electoral Roll ïa kaba ladep ban pynbit pynbiang haduh ka 6 tarik, Kyllalyngkot, 2025.
U Chief Electoral Officer ka Sorkar Jylla u Dr. BDR Tiwari ha ka jingïakren bad ki lad pathai khubor u la ïathuh ha kane ka jingpynbeit thymmai ïa ka Electoral Roll, ki don baroh 22,69,512 lak ngut ki nongthep vote ha kane ka jylla Meghalaya.
Na kine, 1118907 ngut ki dei ki nongthep vote shynrang bad 1150599 ki dei ki nongthep vote kynthei, ki Third Gender ki don 6 ngut, ki Service Voters ki don 3,764 ngut ha kaba ki shynrang ki don 3,673 hajar ngut bad ki kynthei ki don 91 ngut.
Shuh shuh u CEO u la pyntip ba ki nongthep vote kiba hapdeng ka rta kaba 18 snem bad 19 snem ki don 72,941 hajar ngut, ki nongthep vote ba la kynjoh ïa ka rta kaba 85 snem ki don 10,398 hajar ngut bad ki nongthep vote kiba don jingthud ha ki dkhotmet ki don 11,960 hajar ngut.
U CEO u la pyn tip ruh ba ki Polling Station kiba don ha baroh kawei ka jylla ki long 3551 hajar tylli.
