Shillong, Nohprah, 03: Ka National Peoples Party (NPP) kan sa pynieng kyrtong ha baroh 29 tylli ki Constituency ha ka elekshon MDC ka ban sa long sha ka Iingdorbar Thawaiñ jong ka Garo Hills Autonomous District Council (GHADC).
“Ha kaba ïadei ka elekshon sha ka GHADC, ngim pat shim rai khatduh ha kaba ïadei bad ki kyrtong haduh mynta,” la ong u nongïalam ka NPP u Marcuise N. Marak uba long ruh u Myntri ka Sorkar Jylla.
“Ngi ladep khang ban pdiang ïa ki application na ka bynta kiba pan tiket na ka party. Sa tang khyndiat por ngin sa don ïa ka jingïalang jong ka Election Commitee bad hadien kata ngin sa shim ïa ka rai kumno ban leh,” u la ong.
Haba kylli, “ngi la ïoh pdiang bun tylli ki kyrteng. Ha kawei ka Constituency, ki don bun ngut kiba pan tiket. Lai haduh hynñiew ngut ki kyrttong kiba pan tiket tang na kawei kawei ka Constituency. Ngin pynieng beit ha baroh 29 tylli ki Constituency.”
“Phi dang kynmaw bha shaphang ka jingjop jong ki ha ki snem baladep Ngi la pynrem ïa ka kurim jong u Zenith Sangma bad ngi la jop ruh ïa ka elekshon shiteng samoi ha Gambegre. Namarkata, khlempep kin don hi ki jingshah tynjuh bad ngin sa bishar,’ u la ong.
“Kam don jingeh ïa ngi wat lada ki don makna ki jingshah tynjuh,” u la bynrap.
