Shillong, Ïaïong, 01: Ka Kashari jong u M. Kumar, Special Judge (POCSO), West Khasi Hills ka la rai pynrem da kaba hukum ban set along lai snem kynthih ïa u Phrangsngi Ryntathiang bad daiñ kuna 10,000 hajar kum ka jingpynshitom halor ka jingdonkti ban leh kam sniew ïa iwei i khynnah kynthei ba dang hapoh 18 snem ka rta.
Ka Kashari ka la hukum ïa u nongshah rai pynrem ba lada um lah ban siew ïa ka kuna kaba 10 hajar un hap ban bteng ïa ka jingshong along sa 6 bnai.
Ha u kyrwoh ba la phah da u Superintendent of Police jong ka Eastern West Khasi Hills la pyntip ba ha ka 4 tarik, Naitung, 2023, ki Pulit ki la ïoh pdiang ïa ka jingujor ejahar pyrshah ïa u Phrangsngi Ryntathiang uba la 27 snem ka rta na ka shnong Dongki-ingding, Eastern West Khasi Hills halor ka jingdonkti jong u ban leh kam sniew ïa iwei i khynah kynthei. Ki Pulit ki la register ïa ka case ha Mairang Police Station hapoh ka section 506 Para-I jong ka Indian Penal Code, pule lang bad ka Section 5 (n)/6 jong ka POCSO Act ha kaba ïa ka jingtohkit la bynshet ha ka Sub Inspector A. Thongni.
Katba ka jingtohkit ka dang ïaid shakhmat ki Pulit ki la kem ïa u nongleh kam bymman bad la set ïa u ha Judicial custody.
