Shillong, K’ lyngkot, 08: Ki shipai BSF kiba ap pahara ha shilynter ka khappud Indo-Bangladesh ha ka sngi Baar ki la ïoh ban pynpulom ïa ka jingpyrshang ki snar khaïi tuh ban pynpoi ïa ki mar sha shiliang jong u pud u sam ka ri Bangladesh.
Lyngba ka jingtip ba la ïoh na ka tnat syntiat, ki shipai BSF ki la pynlong ka jingkhynra ha shilynter ka khappud naduh ka shnong Shella, Mullpara bad Umtham kaba hap hapoh ka East Khasi Hills District.
Ha ka jingkhynra, ki shipai BSF ki la ïoh kurup shi bun bha u rynsun, nep syaid, shini, umdoh, sla sha, ki soh, ki masi bad ka kali Mahindra kiba shongdor palat T.1.27 lak.
Ïa kine ki mar khaïi tuh ba la ïoh kurup la aiti noh sha ka ophis Customs ban leh katkum ka jingdonkam jong ka aiñ.
