Shillong, Naiwieng, 12: Ka North Eastern Council (NEC) ka la pynbna ïa ka jingpynmih pisa thymmai kaba kot T. 31.37 klur hapoh ki skhim bapher bapher na ka bynta ka jylla Meghalaya hapoh u bnai Risaw 2025, da ka jingthmu ban pynsted ïa ki jingtei bad ki jingpynroi ha kylleng ka thaiñ Shatei Lammihngi.
Ban pynthikna ïa ka jingpyntreikam kaba ïaid beit ïaid ryntih ha ki jingpynïasoh ïa ki surok, ka NEC ka la pyllait haduh T. 22.90 klur hapoh ka NESIDS (Road) hapoh u bnai Risaw,, 2025, na kine ka pisa T. 17.90 klur ka long na ka bynta ban pynbha ïa ka surok Borkhat-Sonapur (L-39.59 KM) bad sa T. 950 kur na ka bynta ban shna ïa ki jingkieng kiba heh kynthup ïa ki surok halor ka wah Umngot ha ka surok Jongksha-Kharang-Diengleng-Nongjrong- Moodymmai-Wahïajer (ka jingjrong-0.11 Km).
Ka NEC ka la pynbna ruh ïa ki jingpyllait pisa kiba kongsan kiba kot T. 8,46,66,608 klur na ka bynta ki kam pynroi bapher bapher ha Meghalaya hapoh u bnai Risaw, 2025, kaba pynskhem ïa ka jingangnud jong ka Sorkar ban pynsted ïa ka roi ka par bad ka jingpynroi ïa ki jingtei ha ka thaiñ Shatei Lammihngi.
Ki projek ki kynthup ïa ka jingkyrshan ïa ka (1.5T) Mashin MRI ha Tura Civil Hospital, Meghalaya – T. 5,01,75,000 klur, jingtyrwa jong ka Block ba la ithuh na ka bynta ban pynbiang ïa ki jingshakri ba kongsan hapoh ka 30 PC component ha Mawshynrut C7RD Block Meghalaya T. 94,50,000 klur, ka North East Student Program for Awareness, Reach and Knowledge on Space (NESPARKS) T. 1,15,12,000 klur, ka Rural Eco Tourism ha Garo Hills (East Garo Hills, West Garo Hills bad South West Garo Hills) Meghalaya – T. 31,29,608 lak, ka jingshna ïa ka Sein Raij Jowai community Hall cum Recreation Centre Building ha Dulong, West Jaiñtia Hills District, Meghalaya T. 1,04,00,000 klur.
