Shillong, Nailar, 08: Haduh 3149 tylli ki Case ba thombor pyrshah ïa ki kynthei la rejistar naduh u bnai Nailar 2011 haduh u bnai Naitung,, 2025 ha ka One Stop Centre kaba don ha Ganesh Das Hospital, Shillong bad katkum ka jingïathuh jong u Medical Superintendent ka Ganesh Das Hospital u Dr. W. Sutnga ba kino kino ki kynthei kiba la ngat ha ki jingshah thombor shwa ba kin ban ïoh ïa ka jingsumar la hap ban rejistar shwa ha ka One Stop Centre.
Ha ka jingïakren bad ki lad pathai khubor u Dr. Sutnga ha ka 8 tarik, Nailar, 2025 u la ong ba na ka liang jong ka Hospital ka la buh ïa ki Clinical Physiologist kiba ïarap ha kaba ai ïa ka jingïasyllok bad ha kane ka Center la register kum ïa ka rape case, ka sexual harassment, Child Sexual Abuse nalor kiwei kiwei de.
Nalor kine, ki case ba la register kum ki jingshah thombor ha iing hasem ki don 1263 tylli, ki jingshah leh beijot ki khynnah rit ki don 1062 tylli, ki jingshah jrongkti jong ki kynthei ha ki jaka trei ki don 52 tylli, ki jingshah leh be-ijot ki don 152 tylli, nalor kiwei kiwei ki jingjia kiba kot 620 tylli.
