Shillong, Naiwieng, 28: Ka Meghalaya High Court ka la pdiang ïa ka 34th Interim Report jong ka Justice (Retd.) BP Katakey Committee kaba la shah bynshet ban peitngor ïa ka jingpyrshang jong ka jylla ban khanglad ïa ka jingtih dewiong beaiñ.
Ïa ka kaiphod la aiti sha ka Bench ba kynthup ïa u Justice HS Thangkhiew bad u Justice W Diengdoh, ryngkat bad ka Status Report kaba 26 tarik, Naiwieng, 2025.
“Namarba dang shu ïoh pdiang ïa ka kaiphod, kane ka iingbishar kan hap bishar shwa shwa ban pynmih ïa kano kano ka hukum ha ka tarik kaba hadien,” la ong u Justice Thangkhiew.
Ïa kane ka la buh sngi ban shong bishar biang ha ka 4 tarik, Nohprah, 2025.
