Shillong, ïaïong 01: Kumba 40 pyrton ki Pulit ka Sorkar Pdeng kin sa wan poi ban pahara hapoh ka jylla Meghalaya na ka bynta ban pynthikna ba kan don ka shongsuk shongsaiñ ha ka jingpynlong ïa ka elekshon Lok Sabha ka ban sa long ha 19 tarik mynta u bnai.
ïa kane la ïathuh da u Chief Electoral Officer (CEO) u Dr BDR Tiwari, bad pyntip ba ka jylla ka la ïohpdiang kumba 40 pyrton ki bor pahara na ka Sorkar Pdeng.
Na kine, kumba san pyrton jong ki Pulit CAPF ki ladep don lypa ha ka jylla, bad iathuh kiwei pat yn sa phah pahara katkum ka rukom pyrkhat kam kaba ladep pynbeit lypa.
U Dr. Tiwari u la ïathuh ba baroh ki kam ladep ban pynbeit kiba la long katkum ka aiñ.
“Ngi la shimkhia ha kaba ïadei bad ki kam khappud hashwa ban pynlong ïa ka elekshon. Ka Election Commission of India (ECI) ka ladep ban pynmih ruh ïa ki jingbthah kiba donkam sha ki jylla kiba marjan jong ka jylla,” la iathuh u Dr. Tiwari.
U la pyhntip, kumba long haduh mynta ki la don kumba ar tylli ki jingujor ha kaba ïadei bad ka jingpynkheiñ ïa ka Model Code of Conduct (MCC).
