Shillong, Lber 12: Ki don haduh 48 tylli ki skul kiba don tang hapoh shiphew ngut ki khynnah skul bad ki bym don khynnah skul ha ki san tylli ki Block ba kynthup ha Dadenggre, Selsella, Tikrikilla, Demdema bad Rongram, la pyntip u Myntri ka tnat Pule Puthi ka Sorkar Jylla u Rakkam A Sangma ha Iingdorbar Thawaiñ ha ka sngi Balang.
Ki don pat sa 8 tylli ki Government Lower Primary School kiba duna ka jingdon jong ki khynnah skul, kata, tang hapoh 10 ngut bad kine ki long ka Demdema Govt LPS ha Demdema Block kaba don tang 4 ngut ki khynnah, ka Damjonggre Govt LPS ha Selsella Block kaba don tang 3 ngut ki khynnah, 6 ngut ha Tikrikilla, Angaripara Govt. LPS tang 8 ngut, Boldaldamgre Govt. LPS tang 5 ngut, ha Borogoabal Govt. LPS tang 9 ngut, ha Didapara Govt. LPS tang 9, ha Ganarugre Govt. LPS tang 2 ngut bad ha Kathalbari Govt. LPS tang 9 ngut.
Ha Dadenggre Block ki don saw tylli ki SSA Upper Primary Schools (UPS) ba kynthup ïa ka Dallanggre UPS kaba don 8 ngut, ka Rebugre UPS kaba don tang 6 ngut, ka Rangsagre UPS kaba don tang 5 ngut bad ka Nengchonggre UPS kaba don tang 2 ngut, la pyntip u Myntri haba ai jubab ha Ingdorbar Thawaiñ.
Hapoh Rongram Block ki don 15 tylli ki Government Lower Primary School (LPS), ka Dalmagre LPS ka don 0 ngut, ka Balupara LPS tang 7 ngut, ka Bawegre LPS tang 8 ngut, ka Bibragre LPS tang 6 ngut, ka Chiokgre LPS tang 3 ngut, ka Dittegre LPS tang 5 ngut, ka Dopannggre R LPS tang 2 ngut, ka Galwang Cherrangre LPS tang 6 ngut, ka Ganol Songma LPS tang 7 ngut, Masumata LPS tang 5 ngut, ka Pagugre LPS tang 5 ngut, ka Rongram Allagre tang 8 ngut, ka Songgitalgre LPS tang 7 ngut, ka Soragre LPS tang 3 ngut, ka Galwang Chidekgre LPS tang 8 ngut katba ki don 9 tylli ki Non-Government LPS ba kynthup ïa ka Sakalgre LPS kaba don tang 8 ngut, ka Donsimagre LPS tang 9 ngut, ka Watregre Songgitcham tang 6 ngut, ka Waribokgre LPS tang 9 ngut, ka Chasamkolgre LPS tang 4 ngut, ka Derikgre LPS tang 3 ngut, ka Songkonggre LPS tang 9 ngut, ka Anogre Apal LPS bad ka Mondagre LPS ki bym don khynnah skul wat tang iwei ruh.
Ki don pat sa 10 tylli ki skul SSA LPS ba don tang hapoh 10 ngut ki khynnah skul. Kine ki long ka Boldam Songma LPS tang 2 ngut, ka Danang Songma LPS tang 9 ngut, ka Kalakgre LPS tang 8 ngut, ka Megongdamgre LPS tang 4 ngut, ka New Tebronggre LPS tang 8 ngut, ka New Ampanggre LPS tang 4 ngut, ka Asakgre LPS tang 6 ngut, ka Kama Dumitdikgre LPS tang 4 ngut, ka Sanchong Dojokgre LPS tang 8 ngut bad ka Wakantagre LPS tang 8 ngut katba ka ka Arranggre Adhoc LPS kam, don khynnah skul wat tang iwei ruh, u la ong.
