Shillong, Lber, 19: U Myntri ka Sorkar Jylla uba khmih ïa ka tnat Bording u Abu Taher Mondal ha ka sngi Balang u la pyntip ba ka pisa kaba kot T. 565 klur yn hap ban siew dep noh sha ka NTPC ha shwa jong u snem 2026-2027.
Haba kren sha ki lad pathai khubor u Mondal u la ong, “ka pisa baroh kaba hap ban siew sha ka NTPC ka long kumba T. 664 klur bad ngi la ïakren bad ngi bad la pynduna noh da ka jingshim khia jong u Myntri Rangbah uba la rah ïa kane ka kam sha ka Ministry of Power bad ka NTPC bad kata ka pynlong ïa ngi ban ïoh pynhiar mynsiem namarba ka la hiar sha ka T. 565 klur bad ka NTPC ka la mynjur ban shu siew noh khyndiat khyndiat kum ka Instalment Basis. Mynta, manla u bnai ngin hap ban siew T. 15.7 klur bad shwa u snem 2026-2027 baroh ki jingsiew ngi dei ban pynkhuid lut.”
Da kaba pynpaw ba ka MeECL ka don hapdeng ka jinghiran pisa, u Myntri u la ong, “ngi dang trei bad ka Corporatoin ka la shim ïa ki sienjam bad halor kata ka nongrim ngi dang trei, bun ki jingsiew kiba dnag dei ban siew hynrei lait noh tang ka NTPC baroh ki jingsiew la hap ban pynkhuid noh.”
Katkum ka jingong jong u, ka MeECL ka la kham janai bad kan dang shimpor sa katto katne por ban pynkhuid shuh shuh ïa ki pisa ba dang sah.
