Shillong, Lber 28: Ka tnat Social Welfare jong ka Sorkar Jylla ka la ïoh pdiang ïa ka pisa kaba kot T.6 klur ïa kaba la mang lyngba ka Ministry of Women and Child Development ka Sorkar India.
U Myntri ka Sorkar Jylla uba khmih ïa ka tnat Social Welfare Bah Paul Lyngdoh ha u kyrwoh ba la phah ha ka sngi Thohdieng sha ki lad pathai khubor u la pyntip ba ïa ka pisa kaba T.6 klur la mang ban thied 6162 hajar tylli ki Smartphone na ka bynta ban sam sha ki nongtrei Anganwadi khnang ba kin pynjanai ïa ka jingtreikam bad ïa ka jingshakri sha ki paidbah nongshong shnong ka jylla Meghalaya.
“Kawei kawei ka Smartphone ka shongdor palat T.10,000 hajar bad ïa kiba yn sa aiti sha ki nongtrei Angandawadi ha kaba kut jong u bnai Ïaiong, 2025,” la pyntip u Myntri ka tnat Social Welfare.
