Shillong, Risaw, 30: Arngut ki briew kiba la ithuh kyrteng kum u Marvinson Jyrwa bad u Skhemkupar Massar ki la shah rai pynrem da kaba shah set along haduh hynriew snem na ka bynta ki kam runar ba la leh hapoh ka Narcotic Drugs and Psychotropic Substances (NDPS) Act.
Ka rai ba la pynmih da ka Kashari E. Shabong, Special Judge (NDPS), East Khasi Hills ha ka 27 tarik, mynta u bnai ka la rai pynrem ïa ki arngut kiba la shah kynnoh ba kin shah set phatok hynriew snem bad ki hap ban siew ïa ka kuna kaba T. 60,000 bad lada kim lah ban siew ïa ka kuna kin hap ban bteng ïa ka jingshah set phatok kaba shi snem kum ka jingpynshitom hapoh ka Section 21(b) 29 NDPS Act pule lang bad ka Sec 77 Juvenile Justice Act.
Ïa ka case, la register ha Lumdiengiri PS hapoh ka Case No. 16(02)2017, bad ïa ka jingtohkit la leh da u UBSI Anderson Jyrwa.
