Shillong, Ïaïong, 30: Ka SSLC Supplementary Examination ba la pynïaid da ka Meghalaya Board of School Education (MBoSE) kan long naduh ka 1 tarik haduh ka 8 tarik, Jymmang, 2025 ha ki 76 tylli ki Examination Centres ba la buh ha kylleng ka jylla ha kaba 49 tylli ki Centre ki don ha Khasi & Jaiñtia Region bad 27 tylli ki Centre ki don ha Garo Hills Region.
U kyrwoh ba la phah da u Commissioner & Secretary ka tnat Pule Puthi ka Sorkar Jylla u Vijay Kumar Mantri u la pyntip ba ki don 7085 hajar ngut na ki 8918 hajar ngut ki khynnah skul ki la rejistar ïalade ban ïakhun ïa ka SSLC Supplementary Examination, 2025, kaba long 79.44%.
Ki khynnah skul kiba la rejister na Khasi Hills Region ki long 2235 hajar ngut bad 4850 hajar ngut na Garo Hills region.
La khmihlynti ba ka Meghalaya Board of School Education (MBoSE) kan pynmih noh ïa ka result hapoh une u bnai Jymmang, 2025 khnang ban plie lad ïa ki khynnah skul kiba pas ba kin bteng pat ïa ka jingpule jong ki ha ki Higher Secondary School kiba don ha ka jylla.
Ka tnat Pule Puthi ka ai khublei kyrpang ïa ki khynnah ki ban ïakhun ïa kane ka eksamin ba kin ïoh kheit ïa u soh jong ka jingjop.
