Shillong, Nailur, 13: Uwei u nongshong shnong ha West Garo Hills u la ujor sha ki Pulit ba u don uwei u briew uba la ai kyrteng ïalade kum u ‘Laxman Behera’ uba kam ïalade ba u dei u shipai bad thok pisa T. 80,500 ha ka jingthied ïa kawei ka thuk thuk ar shaka kaba don ïa u nombar ML-14A-0780 lyngba ka OLX.
U Bishno Ghosh u la ujor sha ki Pulit ba ha ka miet 9 tarik mynta u bnai, ki runar ki bym lah ban ithuh durkhmat ki la rong tuh ïa ka thuk thuk ar shaka jong u kaba don ïa u nombar ML-05U-0492 na Golf-Links, Shillong.
U Bah Alfredy Wardkhar u la ujor sha ki Pulit ba ha ka 9 tarik mynta u bnai, uwei u briew ba la tip kyrteng kum u Abhishek Ram Bahadur Chauhan u la rung ha kawei ka iing sahwai jong kiba shipara bad u ha Malki, Shillong bad rung sawdong ka ing ha ka rukom kaba i suba sniew.
U Bimal Mazumdar u la ujor ba ha ka 8 tarik mynta u bnai ki runar ki bym lah ban tip ki la prong tuh ïa ka ka dukan maramot Battery ha iew Williamnagar, East Garo Hills bad rong tuh lai phew ar tylli ki Battery kiba rim kiba shongdor kumba 2 lak.
U Headmaster cum Secy. jong ka Wagipara Adhoc LP School, South West Garo Hills u la ujor ba ha ka miet 5 tarik mynta u bnai ki runar ki bym lah ban tip ki la rung jubor hapoh ka ingskul bad rong tuh ïa ki tiar shet kiba shongdor kumba T.14,400 hajar.
