Shillong, ïaïong, 17: Ki nonghikai jong ka Sib Sing Memorial Government Higher Seconadary School, Nongstoiñ, West Khasi Hills District, ha ka sngi Palei ki la ujor sha u Commisisoner and Secretary jong ka tnat Pule Puthi ka Sorkar Jylla u Vijay Mantri ba un tuklar lem halor ka jingbym pynrung jong ka National Institute of Open School, Noida ïa ka TMA/Internal Mark ha ka Marksheet jong ka result 2nd Year ka ban ktah pat ïa ka kam ka jam jong ki nonghikai hadien habud.
Lah ban ong ba ka jingtreikam thurmur jong ka National Institute of Open School, kaba don ha Noida, Uttar Pradesh ka la pynkylla sohpdung ïa ki nonghikai kiba pule ïa ka Diploma in Elementary Education kaba ar snem.
Ki don 29 ngut ki nonghikai jong ka Sib Sing Memorial Government Higher Seconadary School, Nongstoiñ na ka 2nd Batch kiba pule ïa ka Diploma in Elementary Education kiba lah shah ktah na ka jingleh thurmur jong ka NIOS ka bym shym la lah ban pynbeit ïa kane ka jingbakla mynta la khyndai snem kynthih.
“Kaba kham pynsngewsih ïa ngi ki nonghikai ka long ba ka NIOS wat hadien 9 snem kam shym la lah satia ban pynrung ïa ka Internal Marks ha ka result 2nd Year jong ka training Programme D.El.Ed,” la ong u Babu Shembor Langrin ha ka jingïakren bad ki lad pathai khubor.
U la ong ba u Commisisoner and Secretary u la ai ka jingkular ban un sa shimkhia ban pynbeit ïa ki jingeh ba ki nonghikai ki la ïakynduh khnang ba ka Marksheet kaba ki ïoh kan ym ktah hadien habud ïa ka kam kaba ki la trei lypa.
 | ReplyForwardAdd reaction |
