Shillong, Jylliew 14: U Superintendent of Police (SP) ka East Khasi Hills District, u Rituraj Ravi (IPS), uba la paw khubor ha kine ki sngi na ka daw ka jingthmu ban rah da ka bor ïa ka Kong Bindas Syiem na jaka shah thngan ha Additional Secretatiat sha Hospital ha ka miet 8 tarik mynta u bnai, u la shah pynkynriah kam da kaba un shimti noh kum u Commandant jong ka 6th Battalion ha Umran.
Ha jaka jong u, yn wan shimti biang da u Bah Sylvester Nongtnger(IPS) uba la ju long teng u SP ka East Khasi Hills District.
Lah ban kdew hangne ba u Ravi, u la shah ujor na kiba bun ki liang ha kaba ïadei bad ka jingleit jong u shiteng miet ban rah Medical Check-up jubor ïa ka Kong Bindas Syiem ha ka por ba ka pynlong da ka jingshah thngan ba khlem pud sngi hajan Additional Secretariat. Halor kane ka jingleh jong u ka tnad Pulit ka la shah pan kaiphod ha ka Meghalaya Human Rights Commission (MHRC) bad u Ravi u la shah khot hajir ha ka Commission ha ka 20 tarik mynta u bnai.
Nalor u Ravi la don ruh kiwei pat ki heh Pulit kiba shah pynkynriah kam kiba kynthup ïa u Vivek Syiem (IPS) uba ju bat kum u SP, CID, uba la kiew kyrdan noh kum u Assistant Inspector General of Police (Law& Order).
U heh duh ki Pulit ban shah pynkynriah kam u dei u Mukesh Kumar Singh (IPS) uba long u Inspector General of Police (Law& Order) bad un shimti noh kum u Inspector General of Police, Commandant General Civil Defencen and Home Guards.
U Jerry F.K Marak, IPS, Inspector General of Prisons, Shillong u la shah pynkynriah noh kun u Commandant, 2nd MLP Bn, Goeragre, West Garo Hills, Tura ha ka jaka jong u Bah Bashanborlang J. Laloo, MPS u ban shimti noh kum u Commandant ki SF-10, Shillong.U Bah Herbert G. Lyngdoh, IPS Superintendent of Police, Anti-Infiltration Directorate, Shillong un shimti noh kum u Commandant, 1st MLP Bn, Mawiong ha ka jaka jong u Pawar Swapnil Vasantrao, u ban shimti noh kum u Superintendent of Police, North Garo Hills District, Resubelpara. U Bah Shri Lakador Syiem, IPS, Commandant, 4th MLP Bn, Sohpian u la shah pynkynriah kam noh ban shimti kum u Principal, Police Training School, Umran ha ka jaka jong ka Mary G T. Sangma, IPS, ka ban shimti noh kum ka Superintendent of Police, Anti-Infiltration Directorate, Shillong.
Kiwei pat ki Pulit kiba la shah pynkynriah kam ki long u Pankaj Kumar Rasgania, IPS, Superintendent of Police, City, Shillong kan shimti noh kum ka Superintendent of Police (Sadar), Shillong. U Abraham T. Superintendent of Police, North Garo Hills, Resubelpara un shimti noh kun u Superintendent of Police, West Garo Hills, Tura. U Ringrang T G. Momin, MPS, Superintendent of Police, F&ES, Tura, un shimti noh kum u Superintendent of Police, CID, Shillong ha jaka u Bah Vivek Syeim. U Bruno A Sangma, MPS, Commandant, SF-10, Shillong un shimti noh kum u Superintendent of Police, F&ES, Tura.
