Shillong, Naitung, 29: U Lat ba thymmai jong ka Jylla Meghalaya u C.H Vijayashankar un sa bam smai lashai ka sngi Baar ka 30 tarik, Naitung, 2024 ha ka por 4:30 baje janmiet ha Raj Bhavan, Shillong.
Ïa u Lat ba thymmai yn sa pynbam smai da u Chief Justice jong ka Ingbishar Meghalaya High Court u Justice S. Vaidyanathan.
Ha ka Lah Sngi u Blei, shwa ba u Lat barim u Phagu Chauhan un leit phai noh sha la ka jong ka jylla, ki nongtrei jong ka Raj Bhavan ki la ai pynkup burom bad ai khublei ruh ïa u na ka bynta ki jingshakri jong u ha ki samoi treikam ba la leit noh kum u khliehduh jong ka jylla Meghalaya.
