Shillong, Nailai, 01: Da kaba buh hakhmat ïa ka thong ban ïarap ïa ki longiing kiba duk, ka Jaiñtia Hills Development Society ryngkat ka jingkyrshan lang jong ka KHUBLEI Germany ha ka 1 tarik Nailar, 2024 ki la aiti noh ïa kawei ka iing kaba la dep shna sha kawei ka longing baduk ha ka shnong Mihmyntdu West Jaiñtia Hills District, kata, sha ka Kong Lumbiang Sana ryngkat kaba don san ngut ki khun kiba dangrit.
Ïa kane ka iing la noh synniang da ka iing ka sem jong ka Hannelore bad u Dieter na ka Ri Germany bad la shna ban pynbit pynbiang da ka Jaiñtia Hills Development Society kawei na ki seng treimon sngewbha ha rilum Jaiñtia.
Shuwa ban aiti ïa kane ka ing, la pynlong ïa ka jingïalang kaba lyngkot ba la pynïaid da u Bah Denis Kurkalang, uba dei u Coordinator jong ka Jaiñtia Hills Development Society, nangta de u Director u Rev. Fr. Manbha Pakem, ki nongïalam jong ka Balang Katholik Mihmyntdu bad kiwei kiwei.
Shwa ban aiti ïa kane ka ing, la kyrkhu kyrdoh da u Parish Priest jong ka Jowai Parish u Fr. Hilarius Lamare ryngkat ka jingsakhi lang jong u Fr. Simeon Sungoh bad kiwei kiwei.
