Shillong, Nailar, 22: Ki shipai BSF ka Meghalaya ha ka sngi Palei ki la ïoh kem arngut ki nong India na khappud jong ka East Khasi Hills District katba ki dang thmu ban shalan tuh ïa ki mar khaii tuh.
Ki arngut ki nong India kiba la shah kem ki dei na ka shnong Khanduli, West Jaiñtia Hills katba ki dang kit ha ka kali ïa ki tiar kiba shongdor T. 70,11,960 lak ha kawei ka kali Mahindra pickup ha ka thaiñ Pongtung da ka jingthmu ban khaïi sha Bangladesh.
Ïa kine ki arngut bad ïa ki tiar ba la ïoh kurup la aiti noh sha ka ophis Customs Pynursla, East Khasi Hills ban leh ïa kaba donkam katkum ka aiñ.
