Shillong, Risaw, 02: Ki Pulit jong ka West Khasi Hills ha ka Balang ki la lap ïa kawei ka met ïap jong u rangbah kaba la per ha sla um kham sharum na ka jingkieng Wahriat ha Nongstoiñ.
Katkum ka tyllong khubor ba la ïoh lum la ïathuh ba kane ka met ïap ka dei jong u Bah Herbert Mawlieh, 39 snem ïa uba ju khot sin da u Bahrit uba sah ha ka shnong Pyndengrei hynrei uba la shongkha ha ka dong Themïew jong ka shnong New-Nongstoiñ.
Shuh shuh ka tyllong khubor ka ong ruh ba une u rangbah u la jah rngai na la ïing naduh ka 28 tarik u Nailur 2024 bad u dei ruh u ba ju niah kali kali Auto Truck ha sor Nongstoiñ bad ha ka sngi ba u jah u la ïeh noh ïa ka slipar bad ïa ka mobile phone hapoh kali.
Tad haduh ba la pynmih ïa kane ka khubor ym pat lah satia ban tip ïa ka daw halor jingïap jong u Bah Herbert.
