Shillong, Risaw, 03: Uwei u rangbah ïa uba la tip kyrteng kum u Bah Macmillan David Suchiang na ka shnong Shangpung u la duhei ïa la ka jong ka jingim hadien ba ka kali Maruti kaba don ïa u nombar ML05 G 8164 kaba u ñiah ka la leit ban ïatakhuh bad kawei ka trok kaba don ïa u nombar AS-01 LC-5864 hajan Jowai Civil Hospital ha ka step 3 tarik u Risaw, 2024.
Une u nongñiah jong ka kali maruti u la khladnoh na ka daw ka jingjur shaba palat ka jingïatakhuh ka kali kaba u ñiah.
U nongñiah trok ba la ithuh kyrteng kum u Anil War-Fern na ka shnong Mawryngkneng Pomlaher, u la leit ban aiti noh ïalade hakhmat jong ki ki Pulit ka Phramer Traffic Cell tang hadien katto katne por kane ka jingjia.
