Mawkyrwat, K’lyngkot, 06: U Bah Ferdinand Syiemiong uba la shah jied kum u Acting Chief jong ka Hima Nobosohphoh ban pynïaid shipor ïa ka Hima hadien ba ka Khasi Hills Autonomous District Council (KHADC) ka la sospon noh ïa u Syiem barim u Pa’iem Kawangbor Syiemiong ha ka Lah sngi u Blei u Bah Ferdinand u la lum lang ïa ki Sordar jong ki shnong kiba hap hapoh ka Hima Nobosohphoh kumjuh ruh ïa ki Lyngdoh ban pynlong ïa ka jingïalang ha phyllaw jong ka ophis Syiem na ka bynta ban plie noh ïa ka ophis Syiem kaba dei ka ophis treikam jong ka Hima Nobosohphoh.
La plie ïa ka ophis treikam jong ka Hima da ka jingdon lang jong ki ophisar ba la phah da ka ophis u Deputy Commisioner jong ka South West Khasi Hills District u Bah I. Lawryniang uba dei ruh u Block Development Officer jong ka Mawkyrwat C&RD Block.
Wat hadien ba la shah sospon, hynrei u Pa’iem Kawangbor Syiemiong um shym la aiti ïa ki kot ki sla kumjuh ruh ïa u shabi jong ka ophis kat haduh ba u Acting Chief bad ki briew jong u, ki la hap ban shu Pa’iem Kawangbor Syiemiong pynpait jubor ïa ka tala jong ka ophis syiem lyngba ka jingmynjur lang da ki sordar bad ki Lyngdoh.
Hadien ba la pynpra ïa ka tala ba la sakhi lang da u BDO lem bad katto katne ki rangbah ki la rung shapoh ban peit ïa ki kot badonkam jong ka hima bad hadien kane la pynlong pat sa ka jingjeid ïa ki dkhot ba thymmai jong ka Executive Committee ban pynïaid ïa ka Hima.
 | ReplyForwardAdd reaction |
