Shillong, K’lyngkot, 06: U MDC jong ka Mawlai Constituency u Bah Teiborlang Pathaw ha ka Lah Sngi u Blei u la phah ïa ka shithi iehnohkam kum u dkhot jong ka NPP sha u State President jong NPP Meghalaya State Unit u Bah Prestone Tynsong.
Hadien kane, u la resain ruh kum u Executive Member jong ka Khasi Hills Autonomous District Council (KHADC) da kaba aiti ïa ka shithi iehnohkam ruh ha u Chief Executive Member u Bah Pynïaid Sing Syiem ryngkat ka jingsynran lang jong ki nongïalam bahakhmat ka Mawlai Social Service Organisation (MSSO).
Kane ka jingmih noh jong u Bah Teiborlang Pathaw na ka NPP ka long hadien ba ki paidbah nongkyrshan jong u dang ha kine ki khyndiat sngi ki la bthah ïa u Bah Teibor ban mih noh na ka NPP bad ban ïakhun ïa ka elekshon MDC ha kane ka kynti na Mawlai Constituency kum u kyrtong Independent.
Kum ban shu pynkynmaw, u Bah Teibor u la jop ïa ka elekshon MDC ha u snem 2019 kum u kyrtong Independent bad hadien kane u la leit ban pynïasoh sha ka UDP bad hadien kane u la pynïasoh pat sha ka NPP bad ïakhun ruh ïa ka elekshon MLA 2023 na ka tiket jong ka NPP bad poi ha ka kyrdan kaba ar.
 | ReplyForwardAdd reaction |
