Shillong, K’lyngkot, 09: Ka jingshah tuh ki thuk thuk ar sha ka ha ki briew ki bym lah ban ithuh ka la jur bha ha kylleng ka jylla.
Ha ka sngi Balang mynta ka taiew, ki Pulit ka Mawsynram Police Station katba ki dang pynlong ïa ka jingtalasi kali ki la ïoh pynsangeh ar tylli ki thuk thuk ar sha ka ba la shah tuh na Shillong ba kawei na Assam.
U Superintendent of Police ka East Khasi Hills u Bah Vivek Syiem ha u kyrwoh u la pyntip ba uwei u nongniah thuk thuk u la pyrshang ban phet krad hynrei ula shah kthong ha ki Pulit. U nongniah u la iehnoh ïa ka thuk thuk la iehnoh bad phet krad ïalade.
Ki Pulit ki la ïoh kurup ïa ka thuk thuk kaba don ïa u nombar AS19 N 8664, ML 05AD 3852 bad ML05 AE 1218 bad arngut kiba la shah kem ki long u Sengku M Marak, 24 snem bad u Cornalius Mukhim, 18 snem ka rta.
U Bah Petrus Thabah u la ujor da ka ejahar sha ki Pulit ka Madanriting Police Station ban pyntip ba ha ka 21 tarik, Nohprah, 2024 hapdeng ka por 11:00 baje mynmiet haduh 12:00 baje shiteng synñia, ka thuk thuk jong u ka Yamaha R 15 kaba don ïa u nombar ML05 AC 6280 ka la shah rong tuh ha ki briew bym lah ban tip na ka jaka pynieng kali ha Smit katba u dang leit peit konsad.
Ki Pulit, ha ka 7 tarik mynta u bnai, ha ka por 9 :00 baje mynmiet ki la ïoh jingtip ba ki runar ki bym lah ban ithuh ki la rong tuh ïa kawei ka thuk thuk kaba don ïa u nombar ML-05AD-3852 jong u Bah Blondel L Nongpiur na iingsah jongu ha Langkyrding Lane-4, Shillong.
U Bah Ïaiskhem Shabong u la ujor sha ki Pulit ba ha ka step 4 tarik mynta u bnai ki runar ki bym lah ban ithuh ki la rong tuh ïa ka thuk thuk jong u kaba don ïa u nombar ML-05X-6809 na ka iingsah jong u ha Nongthliew Sharum, Eastern West Khasi Hills District.
U Salgrik A Sangma u la ujor sha ki Pulit ban pyntip ba ha ka 7 tarik mynta u bnai ha ka por kumba 3.30 baje mynstep, ki runar ki bym lah ban ithuh ki la rong tuh ïa ka thuk thuk jong u na Tura Market, West Garo Hills.
