Shillong, K’lyngkot, 10: Ka kashari Special Judge (POCSO) East Khasi Hills ka S.G. Momin, ha ka hukum ba la pynmih ha ka 17 tarik, Nohprah, 2024 ka la rai pynrem ban set along 10 snem ïa u Kewelstone Khongsngi hadien ba la lap ba u donkti ha ka kam leh be-ijot i a kaba la register case ha Pynursla Police Station hapoh ka Section 6 POCSO Act pule lang bad ka Sec 506 IPC (Special POCSO case No. 25 of 2017).
Ka kashari nalor kaba hukum ban set along, ka la daiñ kuna ruh T. 10 hajar tyngka.
Ha u kyrwoh ba la phah da u Superinten ent of Police, East Khasi Hills Bah Vivek Syiem, la pyntip ba ïa kane ka jingjia la bynshet ïa ka Inpsector Balsime Marak jong ka District Executive Force (DEF) kaba trei mynta hapoh ka Crime Branch Police Station, Eastern Range, Shillong ban pynlong ïa ka jingtohkit halor ka jingjia.
