Shillong, K’lyngkot, 11: Ka Meghalaya Pradesh Congress Committee (MPCC) ha ka sngi Saitjaiñ ka la pynbna ïa ka kyrteng jong u Bah Lawrence Nongrum ban pynïakhun na Nongpoh Constituency.
Haduh mynta ka Congress ka la pynbna haduh 42 ngut ki kyrtong ban pynïakhun ha ka elekshon MDC sha ka KHADC bad ka JHADC.
U President ka MPCC Bah Vincent H. Pala u la ong ba ka party kan pynïakhun 28 tylli na ki 29 Seat ha KHADC.
“Ngi lah ne ngin ym lah ruh ban pynïakhun sa ha kawei ka seat namar kumba ka long mynta ym shym la don mano mano ruh ba la thep kyrteng na Mawprem-Laban Constituency,” la ïathuh u Bah Pala.
Ha kaba ïadei bad ka rilum Jaiñtia, u President ka MPCC u la ong ba un sa lum jingïalang ha ka 14 tarik mynta u bnai bad ban shim rai khatduh ha kaba ïadei bad ka jingshim rai khatduh ïa ki kyrtong yn sa leh la kumno kumno shwa ka 15 tarik lane 16 tarik mynta u bnai.
Haduh mynta tang 16 ngut ki kyrtong kiba ka MPCC ka la pynbna ban pynïakhun ha ka elekshon MDC sha ka JHADC.
