Shillong, K’lyngkot, 20: Ka District Magistrate jong ka East Khasi Hills District ha ka Lah Sngi U Blei katkum ka iktiar ba la pynkup da ka Section 163 BNSS ka la pynjari da ka Korphiw ha ka shnong Mawkynrew kaba hap hapoh ka Madanriting Police Station hadien ba la ïoh kaiphod ba ka don ka jingpynjulor ïa ki mar ki mata bad ktah kti ïa ki briew ha Ramakrishna Mission School, Mawkynrew.
Katkum kane ka hukum, ka District Magistrate ka la ong, ba kine ki jingjia ki lah ban nang ïai bteng bad kin ktah ruh ïa ka treikam treijam kaba lam sha ka jingpynthud ïa ka shongsuk shongsaiñ bad kaba lah ruh ban lam sha ka jingduh ei ki mynsiem briew bad ki mar ki mata.
Ka District Magistrate jong ka East Khasi Hills District Rosetta Mary Kurbah ka la pyntip ba ka jingpynjari ïa ka korphiw kan treikam noh mardor ha ka shnong Mawkynrew tad haduh ban da pynbna da kumwei pat.
Namarba ka kam la long kaba kyrieh, kane ka hukum kan treikam noh mardor tad haduh ban da pynbna da kumwei pat.
