Nongstoiñ, Rymphang, 01: Ki paidbah nongïaid nongïeng ha ka step sngi Saitjain ki la lap ïa kawei ka metïap jong i khunlung ba dang shu kha ha kawei na ki jaka jong ka shnong New Nongstoiñ kaba don marjan bad ka ophis District Sport Officer West Khasi Hills District.
Katkum ka jingïathuh pateng jong ki paidbah la ong ba ha kane ka step ki la don ki briew kiba ïaid lynti najan kane ka jaka ki la ïohi ba ki ksew ki la patar ïa kawei ka plastik kaba la song ïa i khunlung bad ynda kine ki briew ki la beh ïa ki ksew bad leit peit sha shiliang ka surok ki la kyndit kumba iuh tdong bsein ban ïohi pynban ïa ka met jong i khunlung ba dang shu kha ba i la khlad bad mar mar ki la pyntip noh sha ki Pulit sha ki ka Nongstoiñ Police Station.
Ki Pulit ki la leit ban shimti noh ïa ka met jong i khunlung bad bad ban leh ruh ïa ki jingdonkam katkum ka aiñ bad kat haduh ba la pynmih ïa kane ka khubor ym shym pat shym la ïoh satia kano kano ka jingtip kaba bniah halor kane ka jingjia.
