Shillong, Rymphang, 22: Ka long kaei kaei kaba sngewtynnad ba la jied ïa ki 10 ngut ki rangïalehkai ba don sap ban mihkhmat ïa ka jylla Meghalaya ha ka 21st Senior (Above 17) National Roll Ball Championship kaba la buh sngi ban sdang naduh ka 22 tarik haduh ka 25 tarik, Rymphang, 2025, ha Kongunadu Engineering College, Thottiyam, Tiruchirapalli district, Tamil Nadu.
Kane ka lympung ïalehkai kan sakhi ïa ka jingïakhun kaba jwat bha hapdeng ki 28 tylli ki kynhun jylla bapher bapher ha kaba ki kynhun shynrang bad kynthei kin ïakhun ban ïoh ïa ki nam ba ha khliehduh.
Ki rang ïalehkai Roll Ball jong ka Meghalaya ki long, Elnathan D Kshiar, Mewanshanlang Nongbri, Caldy Steward Nongsiang (Kapten), Colin Jona Ïawphniaw, Eric Aibor M. Marboh (GK), Ferrando Ehbok Pyngrope, Freddy Lumlang Marboh (Vice Captain), Calvert Jason Ïawphniaw (GK), Banskhemlang Wahlang bad u Shemkupar Mawbon.
Hapoh ka jingïalam jong u Coach u BahSeiborlang Marbaniang na East Khasi Hills District ka kynhun ka la pynkhreh lut na ka bynta ka Mega National event.
