Shillong, ïaïong, 01: Ki shipai BSF jong ka 4th Battalion kiba la ïoh jingtip na ki tnat syntiat ha ka jingpynap shrip ki la ïoh bat ïa ki san ngut ki mynder Bangladeshi najan ka shnong Pyrdwah, East Khasi Hills katba ki dang thmu ban jam beaiñ shapoh u pud u sam jong ka ri India.
Nalor kine, ki shipai BSF ki la kem ruh ïa ki arngut ki nong India kiba ïarap ïa kine ki mynder Bangladeshi ban pynpoi sha India lyngba ka kali Taxi.
Ïa kine ki san ngut kynthup ruh ïa ki arngut ki nong India la aiti noh sha ki Pulit ka Pynursla Police Station ban leh ïa kaba donkam katkum ki kyndon jong ka aiñ.
