Shillong, ïaïong, 19: U Company Commander ka tnat shipai BSF ka 50th Battalion jong ka BOP Gujangpara, South West Garo Hills u la ujor sha ki Pulit ba ha ka Lah Sngi u Blei mynta ka taiew ha ka por kumba 10.50 baje mynstep, ki shipai BSF kiba ïaid pahara ha khappud ki la lap ba ka jingker sainar ha OP/ACP Point No. 9(A) BOP Gujangpara, South West Garo Hills District ka la shah pynjulor ha ki briew bym lah ban tip.
Halor kane ka jingjia, ki Pulit ki la register case bad ka jingtohkit ka dang ïaid shakhmat ban lap dien ïa kiba donkti la kiba donkti ki lah ban dei ki mynder kiba prong tuh na ka ri Bangladesh lane ïoh dei ki snar khaii tuh na u pud u sam jong ka ri India.
Ha kawei pat ka jingjia, u Tengban u la ujor sha ki Pulit ban pyntip ba ha ka sngi u Blei jong ka taiew baladep ha ka por kumba 12:00 baje noh sngi, u la lap ba ki runar ki bym lah ban tip ki la rong tuh ïa kawei ka Remote Radio Unit kaba shongdor kumba T. 1.14 lak na Tower Site ba don ha Hawakhana, Tura, West Garo Hills District.
