Shillong, ïaïong, 21: Ka khasi Students’ Union (KSU) War Jaintia Circle ha ka Lah Sngi u Blei ka la rai ban thwet haban da lap ïa ki dalal kiba ju donkti ban pynrung tuh ïa ki mynder Bangladeshi shapoh u pud u sam jong ka ri Khasi lyngba khappud Indo-Bangladesh.
Ha u kyrwoh ba la phah da u General Scretary u samla Platini Mukhi, ka KSU ka la pynpaw ïa ka jingsngewkhia kaba jur ban ïoh jingtip ba ki don katto katne ki riewshim kabu kiba dei ki dalal kiba pynrung tuh ïa ki mynder Bangladeshi sha ri Khasi.
“Ka Seng ha ka jingïakynduh kyrkieh ka la shim ïa ka rai ban wad bad pynshitom da kaba tyngeh ïa ki dalal kiba long ki nongdie ri kiba shim kabu ban kamai pisa jubor khlem da kheiñ shuh ïa ka jingma ba ka jaitbynriew ka ap na ka jingwan buhai shnong jong ki mynder na ka ri Bangladesh,”ong u kyrwoh.
“Ka seng lada ka lap ïa kum kine ki jaidbriew kan ym map da leilei ruh watla da dei da kino kino ki lynti ruh kam salia. Ka seng ka khot bad wer lang ïa ki paidbah nongshong shnong jong ki thaiñ khappud lada ki lap kum kine ki jaid briew ki dei ban ai jingtip noh marmar sha ka seng khnang ba ngin ïoh leh ïa kaba donkam bad ngi kyntu ruh ïa ki paidbah nongshong shnong ban ai ïa ka jingïatreilang bad ka seng na ka bynta ka jingshngaiñ jong ka ri bad ka jaitbynriew,” la ong u kyrwoh.
