Shillong, ïaïong, 21: Uwei u nongñiah jong kawei ka Trok u la mynsaw jur hadien ba ka trok kaba u ñiah ka la kylla khongpong sha nala bad kane ka la jia ha ka por 5.40 baje janmiet ha ka Lah Sngi u Blei ha ka shnong Umling katba kane ka trok ka dang wan na Shillong ban leit sha Guwahati
Katkum ka jingïoh lum jingtip la ïathuh ba kane ka trok ka don ïa u number UP-65-CT-6180 kaba kit dewbilat ka la ngat ha kane ka apot ha kaba la suba ba ka lah ban dei na ka jingpynher sted palat jong u nongñiah kat haduh ba um lah shuh ban synshar ïa u lakam jong ka kali.
Kat haduh ba la pynmih ïa kane ka khubor, ïa ka kyrteng jong u nongñiah trok ym pat lah satia ban tip.
Ki Pulit jong ka Nongpoh Police Station tang shu ïoh jingtip ki la leit mar mar ban ai jingïarap ïa u nongñiah uba la sahkut hapoh kali na ka jingban jong ka dawbilat ha kaba ki Pulit ki la hap ban pyndonkam da ka puhshilum ban ïohsei ïa u nongñiah napoh kali.
