Shillong, Jymmang, 08: U Myntri ka Sorkar Jylla uba khmih ïa ka tnat Food & Civil Supplies Bah Comingone Ymbon ha ka sngi Palei u la lum ïa ka jingïalang pyrkhat kam ban tohkit halor ka jingdon jong ki marbam mardih ha ka jylla katba ka ri India ka dang don mynta hapdeng ka jingïakynad bad ka ri Pakistan.ïa ka jingïakhun thma pyrshah
Ha ka jingïakren bad ki lad pathai khubor hadien ba la wai ka jingïalang, u Bah Ymbon u la ong, “kum u Myntri nga la lum marmar ïa ka jingïalang bad ki Deputy Commissioner bad ki Sub-Divisional Officer ban pan jingkheiñ halor ka jingdon jong ki marbam.”
“Ki DC bad ki SDO ki la pyntip ba kam don satia kano kano ka jingduna jong ki marbam bad ngi dap pahuh ki marbam,” u la ong.
Haba kylli, u Myntri u la ïathuh ba ka jingdonkam jong ka jylla ha ka shi bnai ha kaba ïadei bad ki marbam ka long kumba 12000 metric ton. “Watla ka sorkar India kam pat pynmih ïa kano kano ka jingbthah, kum ka jylla ngi kwah ban long kiba la pynkhreh lypa khnang ba pynthikna ba ki nongshong shnong kin ym shah ktah,” u la ong.
U la kyntu ïa ki nongshong shnong ka jylla ba kim dei ban khuslai. “Kam don kano kano ka daw ban khih khuslai namarba ngi dap pahuh ka bam ka dih,” u la bynrap
U la bynrap ba ki paidbah ki lah ban telephone ha u helpline number ‘1967’ lada ki don ïa kino kino ki jingeh.
