Shillong, Jymmang, 09: U Myntri Rangbah ka Jylla Conrad K Sangma ha ka sngi Thohdieng u la pynbna paidbah ba ladep ban mang 4 klur tyngka lyngba ka CM-Assure Scheme na ka bynta ka Ri Bhoi District ban kyntiew ïa ka ïoh ka kot ki nongrep ha them Ribhoi.
U Conrad K. Sangma u la pynbna ïa kane haba pyllait paidbah haduh 1700 metric ton u synsar ban pynïaid iew da ka sorkar ha ka jingïalang kaba la long ha Basuba Brooms Producer Company Limited kaba don ha ka shnong Khliehumstem kaba hap ha Mawhati Constituency, Ri Bhoi District.
U Conrad Sangma u la ïathuh ba ïa ka 100 klur tyngka kaba la mang tang ha kine ki khyndiat bnai, ladep ban pyllait haduh T. 10 klur bad na ka T.10 klur la mang haduh T. 4 klur tyngka tang na ka bynta ki nongrep ka Ri Bhoi District.
Ha kane ka sngi, u Myntri Rangbah u la aiti ruh ïa ka Kali Pick-up sha ki nongrep kiba la ïoh jingmyntoi na ka CM-Elevate kaba la sakhi lang da u MLA jong ka Mawhati u Bah Charles Marngar, u Deputy Commissioner jong ka Ri Bhoi u Abhilash Baranwal, ki ophisar na ka tnad Agriculture bad ki paid nongrep na ka them Ri Bhoi.
