Shillong, Jymmang, 18: Uwei u samla ula khlad noh hashen hadien ka jingshah iuh ha kawei ka trok jong ka karkhana Star Cement kaba la jia ha Lumshnong, East Jaintia Hills District ha ka janmiet sngi U Blei ka 18 tarik Jymmang, 2025
Ka khubor kaba iohlum, ka iathuh hadien ka jingshah iuh jong une u samla ha ka trok ka la mih ka jinghuri hura kaba jur ha kaba ki paidbhur ki la tur sha ka karkhana jong ka Star Cement bad ki la wiang ding ruh bun tylli ki trok ha kane karkhana.
Ka jinglong jingman ha kane jaka kam long kaba shngain bad ka lah ban mih ka jingkynad ha kano kano ka por.
