Shillong, Jymmang, 18: Kawei ka kali kamai ka la kylla khongpong ha surok Madan Laban Kench’s Trace ha ka por 11:30 baje mynmiet ka sngi Saitjaiñ ha kaba la suba ba lah ban dei na ka jingpynher stet shaba palat jong u nongniah kat haduh ba um lah shuh ban synshar ïa u lakam jong kali. Ka khubor ba la ïoh da u nonglum khubor, ka ïathuh ba kane ka la jia ruh na ka daw ka jingpynieng khlem-akor jong kawei ka kali Maruti Car ba lieh ïa kaba lah maham pyrshah da ka Dorbar Shnong ban ym pynieng ïa ki kali ha ka por mynmiet myniong khamtam ha ki surok kiba khim.
Ïa u nongniah jong ka local taxi uba don hapdeng ka jingbym tip briew shuh la pynkit noh sha Shillong Civil Hospital da ki nongtrei jong ka EMRI 108 ban ïoh jingsumar.
