Shillong, Jylliew, 12: Ar ngut ki briew ki la mynsaw jur hadien ba ki la shah tied da u tyrnem ha uwei u briew uba don jingduna ha ka bor pyrkhat ha ka sngi Palei ha ka por kumba 8.30 baje mynstep uba dei na ka shnong Pongkun, Mawkynroh Dewsaw, Mawsynram East Khasi Hills District.
Ïa ki arngut kiba la mynsaw la ithuh kyrteng kum u Bah Suprius Mohhiew 80 snem bad u Bah Dibokstar Kharsyntiew, 54 snem. Kine kiba la mynsaw la pynkit sha CHC Sohra ban ïoh jingsumar bad ïa uba don jingduna ha ka bor pyrkhat la pynkit noh sha MIMHANS, Shillong.
