Shillong, Jylliew 13: Kawei ka nongshong shnong na kawei ka shnong ha West Garo Hills ka la ujor sha ki Pulit ba u tnga barim jong ka u la thep ïa ki dur bad call ruh ha baroh ki rynsan Social Media bad nalor kata u byrngem ruh ban rahbor bad ban pynïap ïa ka.
Ka Masuda Khanin na ka shnong Sobribari West Garo Hills ka la ujor sha ki Pulit ban pyntip ba ha ka 10 tarik mynta u bnai kumba ha ka por mynsngi, kawei ka briew ba la tip kyrteng kum ka Armina Khatun ryngkat bad ki paralok jong ka kiba sah ha kajuh ka shnong ki la rung jubor hapoh phyllaw iing sah ban kren da ki ktien khlemakor, ktah kti bad byrngem byrsit ruh ïa ka.
