Shillong, Jylliew, 16: Uwei u rangbah ïa uba la tip kyrteng kum u Bah Carlus Tron na ka shnong Ummar kaba hap ha Western Ri Bhoi u la jah rngai kynsan kynsan ha ka 11 tarik Jylliew, 2025 katba u dang leit shabar harud surok hadien ba la wan phai na kaba leit buh ïa ka kurim ban khang khunlung ha Ganesh Das Hospital, Shillong.
Ki bahaing hasem ki la ïathuh ba u Bah Carlus Tron ïa uba ju khot sin ruh ha shnong da u Jack ki la ïathuh ba ha kane ka sngi, na ka daw ba um ïoh kali shuh ban wan phai sha la ïing na Ganesh Das Hospital, u la phone ban phah wan shaw ha u Secretary Shnong ka shnong Ummar u Bah Youngmind Makri hynrei namarba u Secretary Shnong um lait u la phah da ki paralok ban leit shaw ha kaba ki la wan phai ryngkat bad ka kiaw kurim jong u.
Hynrei ha lynti ynda la poi ha Umran, une u rangbah u la phah sangeh ïa ka Kali harud ka surok kumba ha ka por 8 duna eiei ha kaba ula ong ba u kwah ba leit shabar hynrei hadien kane u la shu jah rngai khlem wan phai shuh sha kali kat haduh ba ka la pynlyngngoh wat ïa ka kiaw kurim jong u bad ïa ki paralok ba leit shaw ïa u.
Hadien kane, marmar ki la ujor sha ki Pulit ka Umsning Police Station bad ka jingwad ïa u Bah Carlus ka dang ïai bteng haduh mynta.
