Shillong, Naitung, 04: Ka Kashari jong u Special Judge (POCSO) ha North Garo Hills District ka la rai pynrem ban ai jngpynshitom ïa u Mikseng B Marak uba sah Daram Tekalang da kaba phah set along shi snem halor ka jingdonkti ban peit tuh ïa kawei ka kynthei katba ka dang sum
Ïa u Mikseng la pynshitom hapoh ka Section 354C jong ka Indian Penal Code.
U SP ka North Garo Hills ha u kyrwoh u la pyntip ba kane ka la jia ha ka 26 tarik, Nohprah, 2019, ha ka por kumba 4 baje janmiete, haba u nongshah kynnoh u la peit tuh ïa ka lanot katba ka dang sum.
Ka Kashari ha ka rai ba la pynmih ha ka 13 tarik Jylliew, 2025 ka la ai jingpynshitom ïa u Mikseng da kaba phah set along shi snem bad daiñ kuna T. 1,000.
Ïa ka jingtohkit la bynshet ha ka WPSI Bailine Sangma, Sub-Inspector kaba la phah ïa ka jingpynngat kyndon pyrshah ïa u nongleh kam bymman ryngkat bad ki sakhi sabut kiba biang.
