Shillong, Naitung, 05: Ki dkhot jong ka Hynñiewtrep Youths Council (HYC) Sohiong Zone ha ryngkat ka jingsynran lang ki nongïalam ka Cenrtral Executive Committee ha ka sngi Saitjaiñ ki la pyntreikam ïa ka Sier Lapalang Operation ban khynra ïa ki nongbylla bar jylla ha ki jaka trei kiba don ha thaiñ Sohïong, East Khasi Hills District.
Ha ka jingkhynra ki la pynher krad ïa kumba 50 ngut eiei ki nongtrei bar jylla ki bym don ïa ki kot ki sla kiba biang.
U kyrwoh ba la phah da u President ka HYC Bah Roy Kupar Synrem u la ong ba ka Seng ka la maham tyngeh ïa ki Kontraktor ne ki trai ba ai bylla ba kim dei ban wan ïalam ïa ki nongbylla bar jylla khlem da pynbiang shuwa ïa ki kot ki sla kiba biang bad ka seng ka la pyntip ba kan nang pynjur shuh shuh ïa ka jingkhynra nangne shakhmat.
