Shillong, Naitung, 05: Ka ophis SDO Pynursla Civil Sub Division ha ka sngi Saitjaiñ ka la pyntip sha ki nongïaid lynti bad sha ki paidbah ïa ka por ba la khang ban ïaid kali na ka surok naduh Laitlyngkot sha Lyngkyrdem la pynkylla ïa ka por na ka daw ka jingma kiba ap ha shilynter ka surok.
Ka jingpynbeit thymmai ban khang ïaid ïa ki kali ïa ki kali ha ka por mynsngi bad mynmiet na ka bynta hynñiew sngi kynthih ka long naduh ka por 11:00 baje mynstep haduh 4:00 baje janmiet bad 9:00 baje mynmiet haduh ka por 4:00 baje mynstep.
Ka por ba khang ïa ka surok kan sdang naduh ka 7 tarik haduh ka 13 tarik, Naitung, 2025 tad haduh ban da pynbna da kumwei pat.
